“Рома” ярим ҳимоячиси Даниэл Де Росси мавсум сўнггида жамоани тарк этади. Бу ҳақда клуб расмий сайти хабар тарқатди.
Италия чемпионатининг 38-туридан ўрин олган “Рома”– “Парма” учрашуви футболчи учун сўннги ўйин бўлади. Мазкур баҳс 26 май куни бўлиб ўтади.
Ҳозирча футболчи фаолиятини қайси клубда давом эттириши маълум эмас.
Эслатиб ўтамиз, Де Росси “Рома” сафида 2000 йилдан буён ўйнаб келади. Жорий мавсум у 22та ўйинда иштирок этиб, 2та гол урган. Бутун “Рома”даги фаолияти давомида 614та ўйинда майдонга тушган ва 63та гол уришга эришган.
