Самарқанд шаҳридаги “Динамо” теннис кортида Профессионал теннисчилар уюшмаси (АТР) мусобақалари тақвимидан жой олган халқаро “Челленжер” турнирига мезбонлик қилмоқда.
Эркаклар ўртасида ўтказилаётган мусобақанинг очилишида сўзга чиққан турнир супервайзери А.Корнилов, Самарқанд вилояти ҳокимининг ўринбосари Р.Қобилов ва Самарқанд шаҳар ҳокими Ф.Раҳимов барча иштирокчиларни катта спорт баҳси билан табриклади. Осиё ва Жаҳон кортларида Ўзбекистон шарафини муносиб ҳимоя қилиб келаётган Денис Истомин, Фаррух Дўстов каби теннисчиларимиз шундай мусобақаларда тажриба орттиргани эътироф этилди.
Шунингдек, мусобақада дунёнинг 24 давлатидан 53 нафар моҳир теннисчилар қатнашаётгани улар сафида 8 нафар ўзбекистонлик ҳам борлиги бизнинг фахримиз эканлиги таъкидланди.
Бугун, 16 май куни мусобақанинг яккалик баҳсларида чорак финалчилар номи аниқланади. Шунингдек, жуфтлик баҳсларида ҳамюртимиз россиялик Таймураз Габашливи билан биргаликда чорак финал босқичида финляндиялик Эмиль Руусувуори ва россиялик Александер Журбин жуфтлигига қарши кортга тушади.
Финал баҳси 19 май куни ўтказилади.
Маълумот ўрнида: Мусобақанинг умумий ютуқ фонди 54 160 АҚШ доллари этиб белгиланган. Биринчи ўринни эгаллаганга 7 200 АҚШ доллари берилади, 2 ўринга 4 240, ярим финалга чиққанларга 2 510, чорак финалга 1 460, 3 раундга 860, 2 раундга 520, 1 раундга 260 АҚШ долларидан берилади.
