Ўзбекистон Суперлигаси 9-туридан ўрин “Андижон” ҳамда “Пахтакор” жамоалари ўртасидаги баҳс бўлиб ўтди. Ўйиндан сўнг “бургутлар”нинг янги бош мураббийи Жамшид Саидов қуйидаги фикрларни билдирди:
"Биз ўзбек футболининг энг кучли жамоасига қарши ўйнадик. "Пахтакор" сафида терма жамоамизнинг етакчи футболчилари тўп тепишади. Шогирдларимга ва Андижондан келиб қўллаб-қувватлаб турган мухлисларга раҳмат айтаман.
Бу билан ҳаёт тўхтаб қолмайди, биз ишлашд давом этамиз. Кейинги ўйинларга тайёргарлик кўрамиз. Эндигина 9 ўйин ўз ниҳоясига етди, ҳали олдинда ўйинлар кўп.
Жамоа икки йил Про-лигада ўйнади ва ўйин борасида камчиликлар бўлиши табиий. Бу борада ўз устимизда иш олиб борамиз.
Бугунги ўйинда жамоага нима етишмади?
- Футбол 90 дақиқа ўйналади. Учрашув сўнггида иккита тўп ўтказиб юбордик. Футболчилар консентрацияни йўқотиб қўйишди. Бугун ғалаба қозонишни истаган эдик, аммо пенальти, баҳс сўнггидаги гол барчасини ўзгартириб юборди.
- Ўйиннинг Фарғонага кўчирилиши сизнинг режангизга таъсир ўтказдими?
Беллашувнинг Фарғонада ўтгани ҳам таъсир қилди. Ўз уйингда минглаб мухлис қаршисида ўйнаш бошқача. Аҳир ўз уйингда деворлар ҳам ёрдам беради. Балки ўйин умуман бошқача кечган бўлар эди.
- Ўйиндаги ҳакамлик ҳақида нима дея оласиз?
Ҳакамлар ҳақида гапириш менинг вазифамга кирмайди ва бу борада бирор нарса дея олмайман"- дея Саидов сўзларини келтиради Stadion.uz мухбири Жалолиддин Қобилжонов.
