"Манчестер Сити" яримҳимоячиси Кевин Де Брюйне АПЛ чемпионлиги пойгасида ортда қолган "Ливерпуль" футболчиларига нисбатан ачиниш ҳиссини туймаслигини маълум қилди.
"Уларга ачинмайман. Улар жуда яхши ўйнадилар, аммо оқибатда биз кучли бўлиб чиқдик. Уларга ачинмайман, чунки улар ҳам менга ачинган бўлардилар, деб ўйламайман. Биз ЕЧЛДан чиқиб кетганимизда кимдир ачинмаган бўлса керак. Буни қабул қилиш керак. "Ливерпуль" ўйинчилари нималарни ҳис қилишаётганларини тушунаман. Аммо биз ҳам шу ҳолга тушишимиз мумкин эди", - дейди Де Брюйне.
"Манчестер Сити" 98 очко билан Англия чемпиони бўлди, "Ливерпуль" 97 очко билан иккинчи ўринда қолди
