“Вальядолид” клуби директори Роналдо жамоасида “Реал” ҳужумчиси Винисиус Жуниорни кўрмоқчи.

Sports.es нашрининг тарқатган маълумотларига кўра, афсонавий бразилиялик футболчи ватандошига барқарор ўйин амалийти таклиф қилмоқда. Жамоа футболчини ижарага олмоқчи.

Айни дамда 18 ёшли футболчининг “Реал”даги тақдири ноаниқ бўлиб турибди. Агар Эден Азар жамоага келадиган бўлса, Винисиус захира футболчисига айланиб қолиши мумкин.

Эслатиб ўтамиз, жорий мавсум Винисиус “Реал” сафида 31та ўйинда иштирок этиб, 3та гол урган ва 12та голга ассистентлик қилган.