ПСЖнинг бразилиялик ҳимоячиси Дани Алвес бир неча йиллар аввал “Реал”га ўтиши мумкинлиги ҳақида гапирди.
“Тўғрисисни айтаман, мен 95 фоиз “Реал”да эдим. Аммо “Севилья”нинг собиқ президенти Дель Нидо уларнинг таклифини рад этган. Ўша вақтда менга “Челси” томонидан ҳам қизиқишлар бўлаётган эди, бироқ президент уларга бошқа жамоа мен учун кўпроқ маблағ таклиф қилаётганини айтган. Шу сабабли мен “Севилья”да қолишга қарор қилгандим. Мен деярли “Реал Мадрид”да эдим, аммо бу содир бўлмади.
“Реал”га ўтмаганимдан хурсандман. Сабаби мен “Барселона”да ўйнайшни болалигимдан орзу қилардим. Унда “Реал” ғалаба қозонарди, аммо у ерга боришни хоҳламадим. Мен янги нарсаларни қўришга қизиқиб қолдим, ва биз буни “Барселона”да қилдик”, -дейди Дани Алвес.
