Бельгия терма жамоасининг бош мураббийи Роберто Мартинес "Барселона"да рнесто Вальверде ўрнида иш бошлаши мумкин, дея хабар беради Football Espana.
Манбага кўра, 45 ёшли мутахассис каталонияликларни бошқариш учун асосий номзод бўлиб турибди. Аввалроқ "Барселона"ни Рональд Куман бошқариши мумкинлиги хабар қилинган эди. Куман ҳозирда Голландия термаси бош мураббийидир.
Вальверде 2017 йилдан буён "Барселона" бош мураббийи бўлиб ишлаб келмоқда. Унинг қўл остида каталонияликлар икки марта Испания чемпионилигини, бир мартадан Испания кубоги ва мамалакат Суперкуборгини қўлга киритганлар. Унинг амалдаги шартномаси 2020 йилнинг ёзигача тузилган.
