Шу кунларда бокс бўйича Озарбайжон ва Қозоғистон терма жамоалари юртимизда бўлиб туришибди.

Ўзбекистон терма жамоаси олдинда турган халқаро турнирлар, шунингдек, сентябрь ойида Россия мезбонлик қиладиган жаҳон чемпионатига муносиб тайёргарлик кўриш мақсадида юқоридаги терма жамоалар билан бирга қўшма ўқув-машғулот йиғинлари олиб бормоқда. Машғулотлар Тошкент вилоятидаги "Янгиобод" базасида бўлиб ўтмоқда.

Қайд этиш лозимки, Озарбайжон ва Қозоғистон бокс терма жамоалари ҳам ҳудди Ўзбекистон каби жаҳон миқёсида ўз ўрнига эга ҳисобланади. Шундай экан, мазкур йиғин боксчиларимиз учун яхшигина тажриба вазифасини бажариши шубҳасиз.