Профессионал боксда ёрқин фаолият олиб бораётган ўзбекистонлик Исроил Мадримов бугун ўзининг учинчи жангида рингга кўтарилади.
Ушбу жангда ўзбекистонлик чарм қўлқоп устасига мексикалик Норберто Гонсалес рақиблик қилади. Жанг 8 июнь куни Нью-Йорк шаҳридаги “Мэдисон Сквер Гарден” аренасида бўлиб ўтади.
Гонсалес шу пайтгача 35 марта жанг ўтказган бўлиб, уларнинг 23 тасида ғалаба қозонган (13 нокаут) ва 12 бор мағлубиятга учраган. Исроил Мадримов эса проф рингда икки маротаба жанг ўтказиб, уларнинг ҳар иккисида ҳам рақибларини нокаут эвазига мағлуб этган.
Бокс афсонаси Геннадий Головкин ушбу бокс оқшомининг марказий жангида рингга чиқади. Мадримовнинг жанги тахминан 9 июнь тонги тахминан соат 05.30 ларда бошланади. Хатто эртароқ бошланиш эҳтимоли ҳам йўқ эмас.
Исроил Мадримовнинг жангга қандай тайёргарлик кўргани тасвирланган видеосини бу ерда кўриш мумкин.
