Ҳозирда футболчиларнинг у клубдан бу клубга ўтиши борасидаги миш-мишлар тобора авж олмоқда. Бугун ишончли манбааларга таянган ҳолда, энг сўнгги трансфер янгиликлари билан сизларни таништириб ўтамиз.
«Милан» иқтидорли футболчини сотиб юбориш мақсадида
«Ле Газетта Делло Спорт» нашрининг хабар берича, «Милан» Кессие билан муаммоларини ҳал қила олмади. Уни таркибида ушлаб қолишни уддасидан чиқа олмагач, трансферга қўйди. Ҳозирда клуб раҳбарлари ва футболчининг муносабатлари анчагина кескинлашган. «Милан» ўз футболчиси учун 30 миллион атрофида ундириб олиш нийятида. Ҳозирча ҳаридорлардан дарак йўқ!
«Атлетико Мадрид»га Албаниялик футболчи керак
«Хинду»лар «Наполи» сафида омадли тўп сураётган Элсаид Хисайни анчадан бери кузатиб юришганидан хабабрингиз бўлса керак. Албаниялик ҳимоячи ўз позициясида жуда ишончли ўйин кўрсатмоқда. У «Атлетико Мадрид» клубидан ташқари «Ювентус», «Милан», «Интер» сингари грандларнинг эътибор марказида турибди. “Бугун «Атлетико Мадрид» 25 ёшлик футболчи учун «Наполи»га 18 миллион таклиф қилди”, - деб ёзмоқда «Марcа» нашри. Бу расмий таклифга «Наполи» клуби рад жавобини берди ва футболчи 25 миллиондан камига сотилмаслигини эълон қилди. «Атлетико Мадрид» футболчи учун бундан ортиқроқ бериши ҳам мумкин, бироқ Хесайннинг ўзи клубдан кетишни жуда истаётганлигидан унумли фойдаланиб қолиш нийятида. Шундай бўлсада, бу трансфер амалга ошадиган бўлса, «Атлетико Мадрид»нинг ҳимоясини сезиларли даражада кучайиб олишини таъминлаши аниқ.
«Барселона» катта қадам ташламоқчи
Бундан бироз аввал Маркус Решфорднинг клуб билан янги шартнома тузишдан бош тортгани тўғрисида эълон қилган эдик. Ҳозирда унинг атрофида бир нечта кучли клублар айланиб юришганини эътироф этиш зарур. «Манчестер Юнайтед» футболчиси жамоасининг статуси сезиларли даражада тушиб кетганидан норози эканлигини яшириб ўтирмаяпти. Боз устига янги мавсумда ЙЧЛсиз қолишга мажбур бўлган «Манчестер Юнайтед»нинг келажаги бироз туманли кўринмоқда. Футболчининг алғов-далғов ҳолатидан «Барселона» унумли фойдаланиши мумкин. Сабаби, «Эрнесто Валверде Месси ва Суарез билан ҳужумда ҳаракат қилиши кутилаётган 3-ҳужумчи сифатида айнан Решфордни кўрмоқда» деб ёзмоқда «Соccэр.ру» нашри. Манбаада айтилишича «Барселона» Гризман вариянтидан ҳам айни Решфорд сабабли воз кечган.
Де Лигт учун кураш авжига чиқди
Футболчи учун асосий даъвогар бўлиб турган «Барселона» «Аякс» клубига ҳимоячи учун 75 миллион, футболчига йилига 7 миллион евро маош таклиф этган эди. Бу танловдаги айрим камоматдан кўнгли тўлмаган футболчининг агенти бироз вазиятни пайсалга солаётганидан унумли фойдаланган «ПСЖ» «Аякс» учун 80 миллион, ҳимоячига йилига 15 миллион маош белгиланган 5 йиллик шартнома таклиф этди. Бундан ташқари, агар келишув амалга ошса, клуб Мино Раёла учун алоҳида 10 миллион ажратишини ҳам маълум қилди. «ПСЖ» Де Лигт учун Католония клубидан икки баробар кўпроқ маош таклиф этди ва бу футболчини ўйлантириб қўйди. Ҳозирда Мино Раёла ўз мижозига «ПСЖ»нинг устун томонларини тушунтириш билан оввора бўлса, ажаб эмас!
Аднан Янузай «Милан» эътиборида
“Бельгиялик футболчи «Милан»нинг шортлистининг энг юқори поғонасида турибди”, - деб хабар бермоқда «Ле Газетта Делло Спорт» нашри. «Милан» «Реал Сосиедад» футболчисини бундан 2 йил аввал ҳам қўлга киритиш учун уруниб кўрган эди. Ҳозирда футболчига «Милан» клубидан ташқари «Лестер» жамоасидан ҳам жиддий таклифлар тушган. Янузайнинг ўзи «Реал Сосиедад»да қолишни истаётганини, бироқ кучлироқ клубдан таклиф тушса, албатта ўйлаб кўришини айтиб ўтган эди.
