УЕФА миллатлар лигасининг финал босқичида 3-ўрин учун ўйин бўлиб ўтди. Швейцария ва Англия терма жамоалари ўртасидаги ўйиннинг асосий ва қўшимча бўлимларида ҳисоб очилмади.

Дарвоқе, учрашувнинг 83-дақиқасида Уилсон рақиб дарвозасини ишғол қилиб, британияликларни ҳисобда олдинга олиб чиққан эди. Аммо ҳакам вазиятни қайтадан кўрганидан кейин голни бекор қилди. Боиси, футболчи гол уришидан олдин ҳимоячини тортиб йиқитган эди.

Пенальтилар сериясида эса омад инглизларга кулиб боқди. Дастлабки беш мартадан берилган зарбаларнинг барчаси голга айланди. Жамоасининг бешинчи зарбасини голга айлантирган Англия терма жамоаси посбони Жордан Пикфорд, Швейцариянинг олтинчи зарбасини қайтарди. Натижада Англия термаси УЕФА миллатлар лигасининг бронза медалини қўлга киритди.

УЕФА Миллатлар лигаси, 3-ўрин учун ўйин
Швейцария – Англия - 0:0. Пенальтилар бўйича — 5:6
Швейцария – Зоммер, Шер, Аканжи, Родригес (Дрмич, 87), Эльведи, Фернандеш (Закария, 61), Фройлер, Шакири (Цубер, 65), Жака, Мбабу, Сеферович (Окафор, 113).
Англия – Пикфорд, Магуайр, Гомес, Роуз (Уокер, 70), Делф (Баркли, 105), Алли, Лингард (Санчо, 105), Стерлинг, Дайер, Александер-Арнолд, Кейн (Уилсон, 75).
Пенальтилар серияси:
Магуайр (0:1) — Цубер (1:1)
Баркли (1:2) — Жака (2:2)
Санчо (2:3) — Аканжи (3:3)
Стерлинг (3:4) — Мбабу (4:4)
Пикфорд (4:5) — Шер (5:5)
Дайер (5:6)  — Дрмич (5:6)