Босния ва Герцеговина терма жамоаси ҳужумчиси Эдин Жеко Евро-2020 саралашининг 4-турида Италияга қарши ўйинга (1:2) шарҳ берди.
"Ачинарли натижа, чунки бундан кўпроғига муносиб эдик, дуранг ҳаққоний натижа бўлар эди. Италия ҳақиқатан яхши ўйнади ва танаффусдан сўнг кучлироқ бўлди, аммо қарши ҳужумда иккинчи голни уришимиз мумкин эди. Бунинг ўрнига иккита чиройли гол ўтказиб юбордик. Барчасини аввалроқ ҳал қилиб қўйишимиз керак эди", - дейди Жеко.
Ушбу ўйиндан сўнг J гуруҳида қуйидаги вазият юзага келди: Италия 12 очко билан 1-ўринда, Финляндия - 2-ўринда, Арманистон - 3-ўринда, Греция - 4-ўринда, Босния ва Грецеговина - 5-ўринда. Лихтенштейн эса охирги 6-ўринда.
