"ПСЖ" ҳужумчиси Килиан Мбаппе клуб раҳбарияти олдига бир қатор талаблар қўйгани ҳақидаги миш-мишларга изоҳ берди.
Transfer News твиттерида қуйидаги мазмунда хабар пайдо бўлган эди: "Мбаппе вакиллари "ПСЖ" рабариятига талаблар рўйхатини юборишди. Булар: футболчи ҳужум марказида ўйнаши керак, футболчи агар майдонда бўлса белгиланган барча пенальтиларни бажариши керак, футболчи клубда қоладиган бўлса, ўзининг тасвирларига кўпроқ муаллифлик ҳуқуқи берилиши керак".
Кейинроқ, бу пост остида 20 ёшли футболчи шундай деб ёзди: "Кечирасиз, яна ниманидир унутибсизлар. Килиан Мбаппе дарвозага турмоқчи. Ёлғон хабарлар".
