"Реал" яримҳимоячиси Дани Себальос жамоа бош мураббийи Зинедин Зидан билан зиддиятга бориб қолгани ҳақидаги хабарларни инкор қилди.
Аввал хабар берилишича, Зидан футболчи билан гаплашиб олган ва янги мавсумда унинг хирзматларига муҳтож эмаслигини айтган. 22 ёшли футболчининг ўзи ҳам унинг қўл остида ўйнамаслигини билдирган.
"Бугун мен номини айтишни истамаган бир нечта ОАВда тарқалган хабарлар сабаб шуни айтмоқчиманки, мен ва "Реал" мураббийлари штабидан ким биландир орамихдаги суҳбат оммага тарқалмаслигини истардим.
Менга юкланаётган гапларнинг ҳаммасини бутунлай инкор қиламан.
Бундай ёлғон маълумотларни тарқатиш - бу жуда ҳам нопрофессионаллик ва ноўрин. Айниқса, Испания термаси билан муҳим ҳалқаро мусобақа - ёшлар ўртасида Европа чемпионатида кураш олиб бораётган пайтимизда", - деб ёзади Себальос твиттерда.
