ПСВ бош мураббийи Марк ван Боммел клуб “Бавария” ярим ҳимоячиси Арьен Роббенга қизиқиш билдираётганини тасдиқлади.
“Биз бир неча бор телефон орқали суҳбатлашдик. Ҳаммаси жуда оддий. Роббен бир қарорга келиши керак. У биз ПСВда уни кутаётганимизни билади. Энди биз унга ўйлаб кўриши учун бироз вақт беришимиз керак.
Мен унга босим ўтказиш ниятим йўқ, хоҳиш унда. Бу Роббен учун муҳим қарор. У фаолиятини тугатиши ҳам мумкин ёки ўйнашда давом этиши ҳам мумкин. У бизнинг сафимизга қўшилиши ёки бошқа клубга ҳам ўтиши мумкин. Унда таклифлар кўп”, - дейди ван Боммел.
