Луис Энрике Испания терма жамоаси бош мураббийлигидан кетди.
49 ёшли мутахассис оилавий шароит туфайли шу қарорга келган, ҳозирча унинг ўрнини ёрдамчиси Роберт Морено эгаллаб туради.
Испания футбол федерацияси президенти Луис Рубиалес бугун спорт директори Хосе Франсиско Молино билан бирга матбуот анжумани ўтказган. Гарчи матбуот анжумани айнан Энрикенинг кетгани учун чақирилгани ҳақида расмий маълумот бўлмаса-да, "As" нашрининг ёзишича, бу анжуманда испаниялик мураббийнинг терма жамоадан кетгани ҳақида сўз борган.
Маълумот учун, Энрике қўл остида Испания терма жамоаси Евро-2020 саралаши доирасида Мальта (2:0), Фарер ороллари (4:1) ва Швеция (3:0) терма жамоаларини мағлуб этди.
Энрике Испания термаси бошқарувини ўтган йил ёзида қўлга олганди. У жами 7 та ўйин ўтказиб, 5 марта зафар қучди ва 2 марта дуранг ўйнади.
