Неймар 2017 йилда "Барселона"ни тарк этгани учун омма олдида узр сўрашга тайёр. Бу ҳақда Каталониянинг Diario Sport нашри хабар тарқатди.

Бразилиялик футболчи фақатгина молиявий манфаатлар туфайли Парижга кўчиб ўтганини илк марта тан олиши мумкин. У "ПСЖ"га ўтганидан кейин йиллик маоши 14 миллион еврога кўпайганди.

Бугунги кунга келиб футболчи хатога йўл қўйганини тушуниб етди. Ҳозирда унинг фаолиятида пасайиш юз бермоқда. У ўтган мавсумда «Олтин тўп» учун даъвогарларнинг топ ўнталигига кирмади. Бу йил ҳам соврин учун унинг имконияти жуда паст баҳоланмоқда.

Неймар сўнгги марта 2015 йилда "Барселона" сафида Европа чемпионлар лигасида ғолиб чиққан эди.

Маълумотларга қараганда, Неймар "ПСЖ" сафига ўтиб, хатога йўл қўйганини  тан олса, парижликлар учун қўйиб юборишлари мумкин. Аммо жамоа уни 300 миллион евродан камига сотмоқчи эмас. Аммо 27 ёшли ўйинчи "ПСЖ"ни тарк этишга қатъий қарор қилса, клуб уни сотишдан бошқа йўли қолмайди.

Бугунги кунда Неймар "Пари Сен-Жермен"нинг биринчи рақамли юлдузи эмас. У 20 ёшли Килиан Мбаппенинг "соя"сида қола бошлади.