Таиланднинг Паттайя шаҳрида 20-23 июнь кунлари ўтказилган Осиё чемпионатида Сизлар юртимиз шарафини муносиб ҳимоя қилиб, ўзбек қизларининг нималарга қодир эканликларини амалда исботладингиз.

Қитъамизнинг энг кучли гимнастикачилари ўртасида кечган рақобатда жозибадор чиқишларингиз ва юксак маҳоратингиз билан барча мухлислар-у, халқаро экспертларнинг олқишига сазовор бўлдингиз. Мусобақа давомида 8 та олтин, 4 та кумуш ва 1 та бронза медалларини жамғариб, Осиё чемпионатини ўзбек гимнастикаси тарихидаги шонли қитъа биринчиликларидан бирига айлантирдингиз.

Ўзбекистон Миллий олимпия қўмитаси Сизларнинг бундай муваффақиятингиз билан яна бир бор қутлайди. Жорий йилнинг сентябрь ойида Озарбайжоннинг Боку шаҳрида ўтадиган жаҳон чемпионатида ҳам мана шундай улкан ютуқларга сазовор бўлишингизни ва Токио Олимпиадасига йўлланма қўлга киритишингизни тилаб қолади.