Профессионал бокснинг супер ярим ўрта (-69,85 кг) вазн тоифасида WBA Regular чемпионлик камари вакант сифатида қолдирилди. Бу ҳақда GoSport.uz мухбири хабар бермоқда.

Бутунжаҳон бокс ассоциацияси (WBA) мазкур камар соҳиби Брайан Кастано (15-0-1, 11 КО) олдига мажбурий даъвогар Мишел Сорога (33-2-1, 22 КО) қарши жанг ташкил қилиши бўйича буюртма берганди. Аммо бу муддат давомида Кастано жанг ўтказиш бўйича келиша олмади ва WBA аргентиналик боксчи белгиланган талабни бажармагани учун камар ундан олиб қўйилди.

Айни вақтда Мишел Соро ва россиялик Магомед Қурбонов (17-0, 11 КО) ўртасида мазкур камар учун жанг ўтказиш бўйича музокара олиб боришмоқда. Ҳозирча жанг 20 июль куни Францияда ўтказиши режалаштирилган. Бу борада расмий хабар берилмаган.

Эслатиб ўтамиз, мазкур йўналиш рейтингида ўзбекистонлик Исроил Мадримов (3-0, 3 КО) 6-ўринда бормоқда. Қурбонов эса бу рейтингда 7-ўринда қайд қилинган, шунга қарамай у чемпионлик камари учун жанг қилиши кутилмоқда.