Америка кубоги чорак финал босқичида Аргентина Венесуэлани мағлуб этишга муваффақ бўлди. Учрашувдан сўнг "альбиселесте" сардори Лионель Месси ўз фикрлари билан ўртоқлашди.

«Ўйлашимча, жамоамиз анча ишончли ҳаракат қилди. Бу қийин мусобақа. Унда ҳар қандай жамоа исталган рақибни мағлуб этиши мумкин.

Биз ўйинни тўла назорат қилдик. Шунингдек, мудофаада муаммоларга дуч келмадик. Бундай майдонларда ҳаракат қилиш қийин. Улар ёмон аҳволда. Майдонлар сифатли ўйин кўрсатишга халал бермоқда.

Биз рақибнинг эркин ҳаракат қилишига йўл қўймадик ва қарши ҳужумда уларни жазолаш учун имконият кутдик.

Бизда яхши таркиб йиғилган. Бу нафақат футбол томонлама, балки инсонийлик жиҳатлари бўйича ҳам.

Биз ярим финалда Бразилия билан ўйнаш учун катта йўлни босиб ўтдик. Юқори концентрация билан ўйнашда давом этишимиз керак. Бу тўқнашувда қайси жамоа фаворит эканини айтиш қийин. Мезбонлар мухлислар қўллаб-қувватлашади.

Скалони мураббийлар штаби ва бутун жамоани бирлаштира олди. Биз қўлни қўлга берган ҳолда мақсад сари интиляпмиз», – деди Месси.