"Рома" собиқ ярим ҳимоячиси Даниеле Де Росси тез орада "Фиорентина" футболчисига айланиши мумкин, дея хабар беради La Gazzetta dello Sport.
Манбанинг сўзларига кўра, 35 ёшли футболчи "Фиорентина" билан мавсум учун шартномани яна бир йил узайтириш имконияти билан келишиб олган.
Эслатиб ўтамиз, Де Росси МЛС клуби "Лос Анжелес Гелекси"дан таклиф олган эди, аммо у оилавий сабабларга кўра АҚШга бормасликка қарор қилди.
Маълумот ўрнида, Де Росси "Рома"да 2002-йилдан бери тўп сурган. 17 йил давомида бўрилар ярим ҳимоячиси учта совринни, 2 марта Италия кубогини ва мамлакатнинг супер кубогини қўлга киритди. Шунингдек, Даниеле 2006 йилда жаҳон чемпиони бўлган.
