Зе Луиш фаолиятини Португалияда давом эттиради.
Ўйинчининг жамоадан кетиши ҳақида "Спартак" клубининг матбуот хизмати хабар қилади. Бироқ, клублар ўртасидаги келишув фақат 28 ёшли футболчининг ижобий тиббий кўрикдан ўтганидан сўнг қонуний кучга эга бўлади.
Трансфер пул миқдори ҳақида ҳали хабар қилинмаган, аммо норасмий маълумотларга кўра, "Порту" "Спартак"га 8 млн евро тўлайди.
Маълумот ўрнида, Зе Луиш 2015-йилнинг ёзида "Спартак" билан шартнома имзолаган эди.