Минскда "Минск Кубоги" халқаро турнирида иштирок этаётган "Пахтакор-2005" бугун икки учрашувда майдонга тушди.
Куннинг биринчи ярмида Фарҳод Нишонов шогирдлари Киевнинг "Динамо" академиясидаги тенгдошларига қарши ўйин ўтказишди. Кескин курашлар остида кечган баҳс тақдирини Равшан Абдуманноновнинг ягона голи ҳал қилди.
Иккинчи беллашув Минскда фаолият юритаётган "Интер" академияси вакилларига қарши бўлиб ўтди. Ўйинда ажойиб ҳаракат қилган "шерлар" 8:0 ҳисобида ғалаба қозонишди. Голларга Зиёд Ҳамзаев, Жавоҳир Раҳимжонов,
Сарвар Адҳамов, Улуғзод Эркинов, иккитадан Муҳаммадали Ўринбоев ва Улуғбек Кенжаев муаллифлик қилди. Эртага гуруҳдаги сўнгги беллашув "Минск" жамоасига қарши бўлиб ўтади.
