"Кальяри" ярим ҳимоячиси Николо Барелла "Интер"да фаолиятини давом эттиришга яқин.
Бугун эрталаб 22 ёшли футболчи тиббий текширувнинг биринчи қисмини якунлади.
Тиббий текширувнинг иккинчи қисмидан сўнг Барелла "Интер" билан шартнома тузади ва янги жамоа билан машғулот йиғинига боради.
Sky Sport Italia маълумотига кўра, "Интер" билан футболчининг шартномаси 5 йилга мўлжалланган.
Шунингдек, трансфер қиймати 45 млн еврони ташкил қилади.
Маълумот ўрнида, ўтган мавсум Барелла "А" Серияда 35 та ўйин ўтказиб, 1та гол урган.