Маълумки, бугун, 15 июль куни Ўзбекистон футбол ассоциациясининг навбатдан ташқари Конференцияси бўлиб ўтади. Конференцияда ЎФАга янги президент сайланди.
Тошкент шаҳридаги “Radisson BLU” меҳмонхонасида соат 15:00да бошланган конференцияда маълум бўлишича, Ўзбекистон футбол ассоциациясига Давлат хавфсизлик хизмати раиси, генерал-лейтенант Абдусалом Абдумавлонович Азизов номзоди кўрсатилади. Абдусалом Азизов ЎФАда амалдаги президент Очилбой Раматов ўрнини эгаллайди.
Маълумот ўрнида, Абдусалом Азизов ДХХ бошига келгунига қадар лавозимидан озод этилган Ихтиёр Абдуллаев ўрнини эгаллаган эди. Абдусалом Азизов 1960 йил 20 январь куни Тошкент шаҳрида туғилган. 2005-2006 йиллар- Тошкент шаҳар Ички ишлар бош бошқармаси бошлиғи, 2006-2006 йиллар - „Ўзбекнефтгаз“ миллий холдинг компанияси раиси, 2006-2008 йиллар - „Ўзнефтмаҳсулот“ акциядорлик жамияти раиси, 2008-2009 йиллар - Ўзбекистон Республикаси ички ишлар вазирининг биринчи ўринбосари, Ўзбекистон Футбол Федерацияси вице-президенти, 2009-2017 йиллар— Жиззах вилояти Ички ишлар бошқармаси бошлиғи, 2017-2017 йиллар— Ўзбекистон Республикаси ички ишлар вазири, 2017 йил 4 сентябрдан — Ўзбекистон Республикаси мудофаа вазири.
Эслатиб ўтамиз, бир неча кун аввал ФИФА рефериси Равшан Эрматов ўз ҳохишига кўра ишдан бўшаш тўғрисида ариза ёзган ЎФА биринчи вице-президенти Умид Аҳмаджонов ўрнига тайинланган эди.
