"Барселона" клуби "Аякс" ҳимоячиси Матейс де Лигтни "Ювентус"дан оғдириб олиш учун охирги марта уриниб кўрди.
Mundo Deportivo хабарига кўра, каталонияликлар президенти Хосеп Бартомеу де Лигтга қўнғироқ қилди, аммо футболчи йўналишни агенти Мино Райолага буриб юборди. Агент эса Бартомеуга, агар "Барселона" "Ювентус" таклифини такрорлайдиган бўлса музокаралар бошлаши мумкинлигини айтди. Шу сабабли каталонияликлар голландиялик футболчининг трансферидан бутунлай воз кечдилар.
Бугун, 15 июль куни де Лигт Турин клуби ихтиёрига етиб келиши, тиббий кўрикдн ўтиши ва кейин шартнома имзолаши кутилмоқда.
"Ювентус" 19 ёшли футболчи учун 70 млн евро тўлайдилар, бу сумма турли бонуслар ҳисобига ошиши мумкин.
