"ПСЖ" бош мураббийи Томас Тухель жамоа ҳужумчиси Неймарнинг клубни тарк этиш истаги ҳақида фикр билдирди.
- Агар футболчи клубга кечикиб келса, бундан жаҳлим чиқади. Бироқ, ўртамизда тушунмовчилик йўқ, бу масала клуб ва Неймар ўртасида ҳал бўлади. Бирга ишлаяпмиз, ҳозир у жамоа билан бирга.
- Унинг кетишни истаётганини билармидингиз?
- Ҳа, буни Америка кубогигача билгандим, аммо бу клуб ва футболчининг иши. Мен жамоа мураббийман, у менинг ўйинчим. У кийиниш хонасида экан, демак, менинг ўйинчим, у билан ишлашим лозим.
- "ПСЖ"нинг Неймарсиз келажаги ҳақида ўйлаганмисиз?
- Мен ҳаммасига тайёрман. Биз эгилувчан бўлишимиз керак, у билан бу ҳақида гаплашганим йўқ. Мен хотиржамман, бу клубнинг иши, мен аралашмайман", - дейди Тухель.
