Камондан отиш бўйича Паралимпия терма жамоамиз аъзоси Убайдулла Имомқулов келаси йили Токиода бўлиб ўтадиган навбатдаги Паралимпия ўйинлари йўлланмаси учун жиддий ҳозирлик кўрмоқда. Ҳамюртимиз айни паллада Украинанинг Львов шаҳрида ўқув-машғулот йиғинини бошлади.

15 августгача давом этадиган ушбу йиғинда юртдошимиз кўплаб хорижлик рақиблари билан тажриба алмашиш имкониятига эга бўлади. Мазкур йиғин октябрь ойида Осиё минтақаси учун Токио Паралимпиадасига йўлланма берувчи Бангкокда ўтадиган мусобақага тайёргарликнинг асосий босқич вазифасини ўтаб беради.