Футбол оламида шундай рақамлар бор-ки, уларни қолган рақамлар билан бир қаторга қўшиш асло мумкин эмас. Айниқса «кўҳна қитъа» клублари ўз афсоналари тўп сурган рақамларни иложи борича энг кучли футболчиларга тақдим этишга урунишади. Тўғри, баъзан рақамларнинг янги эгалари ишончни тўлиқ оқлаши мумкин, лекин ҳар доим ҳам эмас. Бугун ана шундай ўз рақамининг босимига бардош бера олмаган футболчилар ҳақида сўз боради.
Раян Гиггз ва 11-рақам
«Манчестер Юнайтед» жамоаси шарафини 24 йил мобайнида ҳимоя қилган Уэлс ва «қизил иблислар» етакчси ўзи тўп сурган 11-рақамни деярли супер даражага олиб чиқа олди. Клублар ўртасидаги деярли барча мусобақаларда ғолиб чиққан футболчи «Манчестер Юнайтед»нинг чинакам афсонасига айланиб улгургани ҳеч кимга сир эмас. Қаҳрамонимиз ўз кариерасини якунлагач, кўплаб мухлислар томонидан у 24 йил мобайнида тўп сурган 11-рақамни «музлатиб» қўйиш таклифи олға сурилади. Раҳбарият ҳам бу ташаббусга монелик қилмайди. Энг қизиғИ шундаки, шахсан Гиггзнинг ўзи бу фикрга қўшилмайди ва ўзининг содиқ рақамини янги авлод учун муомилага киритилишини истади.
Ушбу рақамдаги футболчининг ўйинларини кўришга ўрганиб қолган «Олд Траффорд» энди Аднан Янузайнинг иккинчи Гиггзга айланишини кута бошлайди. Афсуски, бельгиялик иқтидор эгаси клубдаги ўз ўрнини йўқотиб қояди ва заҳира ўйинчисига айланиб қолади. 2015-йилда эса, «Манчестер Юнайтед» уни «Боруссия Дортмунд»га сотиб юборди. Шу билан Гиггзнинг афсонавий рақами кўп ўтмай одатий рақамлар қаторидан жой олди.
Деннис Беркамп
Учмас голланд лақаби билан футбол оламида катта машҳурликка эришган футболчи 20-аср сўнгги ва 21-аср бошида «Арсенал»нинг чинакам етакчси эди. Фақат чиройли голлар урадиган ҳужумчи 10-рақамнинг салобатини ва маъсулиятини чуқур ҳис этар, доимо ўз рақамига монанд кучли футбол намойиш этишга интилар эди.
2006-йилда футболчилик фаолиятига якун ясаган Деннис мухлисларнинг олқишлари остида бутсалрини михга илди. Энг қизиғИ шундаки, ундан сўнг «Арсенал» бу рақамни франциялик ҳимоячи Виллиям Галласга топширди. Ҳимоячи қанчалар юқори сифатли футбол намойиш этмасин, 10-рақамга мос туша олмади. Истаган тақдирида ҳам бу рақамга мос бўла олмас эди…
Шунга қарамасдан, алоҳида қайт этиж жоиз-ки, Галаса «Арсенал»га келгунига қадар 15 та гол киритган бўлса, «тўпчилар» сафида 14 бор рақиб дарвозасини ишғол қилишга муваффақ бўлди. Қаҳрамонимиз ушбу иши билан 10-рақамга муносиб бўлишга урунган бўлса, ажаб эмас. :)
Алан Ширер ва 9-рақам
2006-йилда ўз фаолиятига нуқта қўйган Ангилия футболи афсонаси Алан Ширер 10 йил давомида «Нюкасл» жамоасида тўп сурганидан хабарингиз бор. Узоқ муддатли кариераси давомида футболчи 9-рақамга шу қадар ўрганиб қолдики, тинмай гол ураверди. Ёши ўтиб қолган бўлсада, футболчи ўзининг сўнгги мавсумларида ҳам классик ҳужумчиларнинг рақамига мос ўйин кўрсатишда давом этди…
Ундан сўнг, «Нюкасл» бу рақамнинг эгасини шу кунларга қадар топа олмаяпти. Обафиме Мартинс, Керолл, Гайл, Рондон…
Шундай бўлсада, жамоа ўзи учун Ширернинг издошини қидиришда давом этмоқда. Клубнинг ҳозирги молиявий имкониятлардан келиб чиқиб шуни айтиш мумкин-ки, бу жамоа ҳали бу рақамнинг ҳақиқий эгасини узоқ қидиришига тўғри келади.
Андрей Шевченко ва 7-рақам
Гап 7-рақам ҳақида борар экан, Украиналик футболчини эсалб ўтишимиз шарт! Жамога янги келган футболчи ўз хоҳиши билан 7-рақамни эгаллайди ва мўъжизлар яратишга тушиб кетади. «Милан» айнан Шева даврида ўзининг энг қудратли даржасига чиққади. Футболчи «Челси»га ўтиб кетгач, клуб унинг рақамини Рикардо Оливейрага тақдим этади. Афсуски, футболчи бир мавсум ҳам юқори формада тўп сура олмади. Ундан сўнг Робино ва Пато 7-рақамга муносиб бўлишга ҳаракат қилган бўлсада, буни уддалай олишмади. Афсуски, «Милан» клуби ҳам 7-рақамнинг чинакам эгасини излашда давом этмоқда.
Роналду ва 7 рақам
Бу мавзу ҳақида алоҳида мақола талаб этилсада, қисқача тўхталиб ўтишга қарор қилдик. Роналду «Реал Мадрид»ни янги даржага олиб чиқа олди десак, адашамган бўламиз. Футболчи ўзининг фантастик ўйинлари билан «Реал Мадрид»нинг бир нечта рекордларига улкан хисса қўшди. У «Ювентус»га ўтиб кетгач, футбол оммаси 7-рақамнинг тақдири қандай кўриниш олиши билан жуда қизиққани рост. Энг ачинарлиси шундаки, «Реал Мадрид» Роналду даврида ўзининг энг пик формасига кўтарилган 7-рақамни Мариано Диазга топширди. Флорентина Перезнинг бундай йўл тутиши кўплаб мухлисларда норизилик туғдирган бўлсада, клуб ўз қарорини ўзгартирмади.
Диаз 7-рақамни оқлаш уёқда турсин, жамоанинг асосий таркибидан ҳам муқим жой олишни уддалай олмади. Оқибатда, клуб унинг рақамини жамоанинг янги ўйинчиси Эден Азарга олиб берди. Ўзи шундоқ ҳам катта босим остида қолган Азар эндиликда 7-рақамга муносиб бўлиш мақсадида янада кўпроқ тер тўкиши талаб этилади
