«Манчестер Сити» бош мураббийи Хосеп Гвардиола ярим ҳимоячи Лерой Сане қанча муддатда сафга қайтиши мумкинлиги ҳақида фикр билдирди.
«Саненинг жароҳати – жуда ёмон хабар. У қанча вақт майдонга туша олмаслигини билмайман. Ўйлашимча, унинг тикланиши учун олти ёки етти ой вақт керак бўлади. Эҳтимол, февраль ёки март ойида сафга қайтса керак», – деди Гвардиола.
Эслатиб ўтамиз, Сане чап оёғининг тизза бўғимидан жароҳат олди. 23 ёшли футболчи келаси ҳафтада жарроҳлик столига ётади.