Ушбу рукндаги сўнгги янгиликлар билан таништиришда давом этамиз.
Неймар кетадиган кўрнади
Франция нашрларининг хаба беришича, Неймар тез орада «Барселона»га қайтади.
Манба тарқатган хабарларга қараганда, бугун «Барселона» жамоаси ярим ҳимоячиси Фелиппе Коутино ва унинг агенти Жулиано Бертолусси «ПСЖ» раҳбарлари билан учрашди ва янги жамоасидаги шартнома борасида илк келишувга эришган.
Гап шундаки, «Барселона» Неймарни қўлга киритиш учун Париж клубига Коутино, Ракитич ва бир неча миллион евро тўлайдиган бўлди. Бу борадаги расмий маълумотлар эртага маълум қилинади.
Эслатиб ўтамиз, бир неча кун аввал футболчининг агенти ПСЖ раҳбарлари билан учрашган ва Коутинонинг янги жамоасидаги ўрни борасида музокаралар ўтказган эди.
ПСЖ Неймарни машғулотлардан озод қилди
Ҳозиргина «Readfootball» нашри тарқатган хабарга кўра, Париж клуби Неймарни машғулотларда қатнашишга таъқиқ қўйди.
Гап шундаки, Париж клуби футболчини сотиб юборишга қарор қилди ва унга ҳаридор топилмагунига қадар жароҳат олишидан чўчимоқда. Футболчининг ўзи ортиқ клубда қолмаслигини ва тезроқ «Барселона»га қайтишни истаётганини ҳисобга олсак, бу трансфер тез орада амалга ошади.
Нзонзининг кейинги жамоаси аниқ
“Римнинг «Рома» жамоаси ярим ҳимоячиси Стивен Нзонзи бошқа клуб сафига ўтадиган бўлди” деб хабар тарқатмоқда Италия нашрлари.
Унга кўра, франциялик футболчининг ҳизматлари билан Туркиянинг «Галатасарой» клуби қизиш билдирмоқда. «Рома» ўз футболчисини сотиб юборишга урунаётган бўлсада, «Галатасарой» уни ижарага олишни режа қилмоқда. Агарда томонлар келишувга эришса, Нзонзи тез орада турк клуби сафига ўтади. Франциялик футболчининг агенти тарқатган хабарларга кўра, «Рома» уни сотиб олиш шарти билангина қўйиб юборади.
Агарда томонлар келшувга эришса, «Галатасарой» футболчини сотиб 4 миллион еврога сотиб олиш шарти билан ижарага олади.
Балотелли ортга қайтмоқда
Италия терма жамаосининг собиқ ҳужумчиси ва энг жанжалкаш йигитлардан бири саналадиган Марио Балотелли Италияга қайтадиган кўрнади.
Ҳозирда унинг ҳизматлари билан «Брешия» клуби жиддий қизиқиш билдирмоқда.
Бундан аввалроқ Марионинг «Фламенго» жамоасига ўтишга яқин тургани ҳақида хабарларга тарқаган эди. Эндиликда оав футболчини айнан «Брешия» жамоаси билан боғламоқда. «The Sun» нашри унинг
Италия клуби билан 4 йиллик шартнома имзолаши ҳақидаги маълумотни эълон қилган бўлсада, Балотеллининг агенти футболчи ҳали ҳамон эркин агент мақомида эканлигини расман эълон қилди.
Қисқача қилиб айтганда, супер Марионинг келажаги ҳали аниқ эмас. Воқеалар ривожини кузатишда давом этамиз.
«Интер» «Ювентус»га шарт қўйди
Италиянинг «Интер» жамоаси ва Мауро Икарди билан бўлаётган муаммолардан хабарингиз бор. Шу кунларда Икарди ва «Ювентус» жамоаси шахсий шартнома борасида келсиҳувга эришган бўлсада, «Интер» унинг трансфери борасида расмий таклиф олмаган эди.
«Cалcиомерcато» нашри тарқатган хабарларга қараганда, бугун «Ювентус» Икарди борасида расмий таклифни жўнатган. «Интер» эса, ўз футболчисини фақатгина Паоло Дибала билан айрбошлаши мумкинлигини, бошқа ҳолатда уни «Ювентус»га қўйиб юбормаслигини эълон қилди.
Дибала Саррининг режаларига кирмаётганини инобатга олсак, бу трансфер тез орада амалга ошиши мумкин.
Вертонген Почетинодан хафа
Бельгия терма жамоаси ва «Тоттенҳем» клуби ҳимоячиси Ян Вертонген жамоа бош мураббийи Почетинодан норози эканлигни яшириб ўтирмаяпти.
Гап шундаки, футболчи АПЛнинг илк турида заҳира ўриндиғидан ҳам жой олмаганини тушуна олмаяпти. Футболчи ва мураббий ўртасида ҳеч қандай низо бўлмасада, Почетино негадир унинг ҳизматларидан фойдаланамаяпти. Вертонген ўз интерюсида бундай ҳол давом этса, клубни қишда тарк этишини расман эълон қилди.
Эслатиб ўтамиз Почетино клубдаги яна мир бельгиялик ҳимоячи Тоби Алдервейрелни ҳам асосий такрибга қўшмади ва уни катта эҳтимол билан қишда сотиб юборишни режа қилмоқда.
