Ушбу рукндаги янгилклар билан таништиришда давом этамиз.
Санчес бошқа клубга ўтмоқчи эмас
Чили терма жамоаси ва «Манчестер Юнайтед» клуби ҳужумчиси Алексис Санчес жамоада қолишга қарор қилди
Гап шундаки, футболчининг ҳизматлари билан Римнинг «Рома» клуби қизиқиш билдираётган эди. «Рома» чилилик футболчини Эдин Жеконинг ўрнини тўлдириш учун ижарга олишни режа қилган эди. «Манчестер Юнайтед» эса, унинг маошини ярмини Рим клуби тўлашига ҳам рози бўлган ва тезроқ Алексисни «Рома» сафига қўйиб юборишни мақсад қилган эди, аммо ҳаммаси футболчининг қарори туфайли барбод бўлди
Алексис клубда қолишни авзал билди ва «Манчестер Юнйтед» раҳбарларини яна бир бор жахлини чиқарди. Икки клуб томонидан амалга оширилган келшув эса, ўз кучини йўқотди.
«Челси» сотишдан тўхтамаяпти
Лондоннинг «Челси» жамоаси Френк Лемпардни бош мураббий этиб тайинлагач, клубда кўплаб ўзгаришлар амалга ошди. Френк ўзи учун кераксиз бўлга ўйинчиларни жамоа трансфер қилиш ҳуқуқисиз қолган бўлсада, сотиб юборишдан тўхтамаяти.
Эндиликда «аристократлар» қанот ҳимоячиси Дзапакостанинг трансферга қўйишди. Клуб футболчи учун 25 миллион евро сўрамоқда.
Ҳозирда футболчини қўлга киритиш мақсадида Римнинг «Лацио» клуби алоқага чиқди ва томонлар музокарларни бошлаб юборишди.
Магуаерга қойил!
Саййорамизнинг энг қиммат ҳимоячисига айланган Харри Магуаер ўзининг трансферига оид янгилик билан ўртоқлашди.
Футболчининг айтишича, «Манчестер Сити» футболчи учун «қизил иблислар»га нисбатан 100 минг евро кўпроқ маош таклиф этган экан. Собиқ Лестер футболчиси юрак амри билан айнан «қизилларни» танлаганини расман эълон қилди.
Эслатиб ўтамиз, футболчи учун курашда Манчестер шахрининг икки клуби узоқ муддат даъвогар бўлиб турди ва якунда футболчи ўз хоҳиши билан «Олд Трафорд»да тўп суришни танлади.
«Боруссия Дортмунд» ҳужумчи олмоқчи
Германиянинг «Боруссия Д» клуби ўз таркибини кучайтириб олиш мақсадида трансфер ойнаси ёпилгунига қадар яна бир футболчини ҳарид қилмоқчи.
«Realfootball» нашри тарқатган хабарларга қараганда, клуб «Рома» жамоасида ўз ўйинини топа олмаётган Патрик Шикни ўз таркибига қўшиб олмоқчи.
Патрик «Рома» жамоасига ўтганидан бери ўзини деярли кўрсата олгани йўқ. Ҳужумчи 46 та учрашувда майдонга тушган бўлса, атиги 5 бор рақиб дарвозасини ишғол қилишга муваффақ бўлди. «Рома» футболчининг трансфер қиймати борасида келишув амалга ошса, уни «Бундеслига»га қўйиб юборишга қарши эмас.
«Динама» «Порту» футболчисига қизиқиб қолди
Киевнинг «Динамо» жамаоси Португалиянинг «Порту» клуби ҳужумчиси Такиньо Суарезни қўлга киритиш борасида ишларни бошлаб юборди.
«Chempionat» нашри тарқарган хабарларга қарганда, Киев клуби футболчининг шартномасини сотиб олишни режа қилмоқда. Суарез қаторасида 7 мавсумдан бери Португалия клубида тўп суриб келмоқда ва тез орада жамоани эркин агент сифатида тарк этиши таҳмин қилинаётган эди.
28 ёшлик футболчининг ўзи «Динамо»да тўп суришга қарши эмас. Шу кунларда киевликлар «Порту»га расмий таклиф билан чиқишни режалаштиришмоқда.
Эслатиб щтамиз, футболчи якунланган мавсумда, 26 та учрашувда майдонга тушди ва 15 бор рақиб дарвозаларини ишғол қилди. Шуниндек, унинг ҳисобида 3 та голли узатма мавжуд.
