Дунёнинг энг кучли биринчилиги сифатида тан олинган АПЛ жамоалари ўз таркибини кучли футболчилар билан тўлдиришга катта урғу бераётганидан хабарингиз бор. Шундай бўлсада, чемпионатда бир нечта ёш бўлсада, иқтидорли футболчилар мавжуд. Бугун ана шундай келажаги порлоқ футболчилар ҳақида сўз боради.

Моунт – «Челси»

Лемпард томонидан клубга таклиф этилган футболчининг ўйинлари кишини қувонтирмоқда. Унинг топ билан муносабатда бўлиши, ва майдонни кўра олиши борасида ҳеч кимда шубҳа йўқ. Моунт жисмонан жуда кучли. Унинг жуссаси кичик бўлсада, жисмоний тайёргалиги ҳарқандай инсонни ҳайрон қолдириши турган гап. Бундан ташқари футболчининг тезлиги ҳам ҳавас қилса, арзигулик ҳолатда. Агарда футболчи ўсишда давом этса, келажакда клубнинг иккинчи Лемпардига айланиши мумкин.

Бунинг учун футболчига кўпроқ ўйин амалиёти тақдим этиш лозим. Шундай бўлсада, агар жамоа рулида Лемпард муқим жой ола билса, футболчининг майдонги тушиши борасида ҳеч қандай муаммо бўлмаслиги турган гап.

Фил Фоден – «Манчестер Сити»

Яна бир иқтидорли йигитчанинг имкониятлари янги мавсумда тўлиқ очилиши мумкин. Ўтган мавсумда бир неча бор заҳирадан майдонга тушган бўлсада, юлдузли «Ман Сити»да ўз ўрнини ушлаб қолган футболчи ҳақида тўхталиб ўтмасак бўлмайди.
Гвардиола сингари талабчан мураббийнинг кўрсатмаларини тўлиқ амалга ошириш орқали секин-аста асосий таркибга кириб бораётган ёш футболчига қойил қолмасдам иложингиз йўқ.
Фоден ёш бўлишига қарамасдан, ўзига ишонган футболчи майдонни жуда яҳши кўра олади. Бундан ташқари унинг узун ва қисқа пасларининг деярли 95 фоиз манзилига аниқ етиб боришини алоҳида қайд этиш лозим. Агарда Пеп Фил Фоденга ишонч билдирса, янги мавсумда у ижросидаги фантастик ўйинларни гувоҳи бўлишимиз мумкин.

Даниел Жеймс

Янги мавсум олдидан «Суонси» клубидан харид қилинган уэлслик ёш футболчи мавсум кашфиёти бўлишга ҳақли.
Бир қарашда кўз ташланмайдиган трансфер бўлиб кўринган Даниел Жеймс клуб учун катта фойда келтириши ҳеч гап эмас. Гап шундаки, унинг потенцияли жуда юқори бўлиб, буни Сулшер очиб бера олса, бўлгани. Уэлслик футболчи ҳужумко ярим ҳимоячи, қанот ярим ҳимоячиси ва ҳужумчи ортида ҳам бирдек кучли ўйин намойиш эта олади. БУндан ташқари унинг ажойиб тезлигини ҳам алоҳида қайд этиш жоиз. Футболчи айнан узоқ масофага крослари орқали оммага жуда тез танилиб кетди. «Чемпионшип»даги илк мавсумидаёқ 4 гол ва 7 та голли узатмани амалга оширган ярим ҳимоячи ижро этган пасларнинг 84 фоиз аниқ етиб боргани ҳайратланарли. Агарда, Сулшер футболчига имкон берса, Даниел Жеймс бундан унумли фойдаланишига ишончимиз комил.

Аллан Сан Максимен – «Ньюкасл»

22 ёшлик футболчининг Франция чемпионатида ўз теҳникаси билан мухлисларнинг эътиборини қозонган эди. Ўтган мавсумда Максимен дриблинг борасида фақатгина Неймардангина ортда қолди холос. Футболчи нафақат теҳника балки тезлик ва жисмоний тайёргарлик борасида ҳам мақтана олади.  
Агарда «Нюкасл» жамоаси Максименга майдон бўйлаб эркинликни таъминлаб берса, футболчи ўзини тўлиқ намойиш этиши мумкин.