“Лилль” Чемпионлар Лигасида муносиб қатнашиш учун таркибини кучайтириш ҳақида ўйламоқда.
Goal.com нашрининг хабарига кўра, “Лилль” жамоасининг асосий мақсадларидан бири “Бавария” ярим ҳимоячиси Ренату Санчеш.
Трансфер тафсилотлари ҳозирча номаълум. Португалиялик футболчининг ўзи жамоасини ўзгартиришга қарши эмас. Санчешнинг трансфер нархи тахминан 18 миллион еврога баҳоланмоқда.
Эслатиб ўтамиз, “Бавария” Санчешни 2016 йил ёзда “Бенфика”дан 35 миллион еврога сотиб олган эди. Футболчи мюнхэнликлар сафида 53та ўйинда майдонга тушиб, 2та гол урган ва 3та голга ассистентлик қилган.
