Ушбу рукндаги энг сўнгги янгиликлар билан таништиришда давом этамиз.
Сулшер қишда жамоани кучайтирмоқчи
“«Манчестер Юнайтед» жамоаси бош мураббийи Она Гуннар Сулшер қишда жамоани кучайтириш мақсадида раҳбарият пул ажаритишини расман эълон қилди”,-деб хабар бермоқда «The Sun» нашри.
Манба тарқатган хабарларга қараганда, «Манчестер Юнайтед» қишда бир нечта катта трансферларни амалга оширишни ният қилмоқда. Бундан ташқари, клуб раҳбарлари Лукакунинг трансферидан тушган пулни ҳам қишки трансфер ойнаси учун ишлатилишини эълон қилишган.
ПСЖ иккита дарвозабонни кузатмоқда
Француз нашрларининг хабар беришича, ПСЖ трансфер ойнаси ёпулгунига қадар дарвозабон сотиб олишни режалаштирмоқда.
Томас Тухелнинг клуб дарвозабонларидан кўнгли тўлмаяпти. Ҳозирда Париж жамоаси “Реал Мадрид" киппери Кейлор Навас ва «Милан» дарвозабони Доннарума борасида музокаларга киришишни режа қилмоқда. Навас ўз жамоасида асосий таркибдаги ўрнини бериб қўйган бўлса, Доннарума Миноланинг мижози ва у бундай таклифни қўлдан чиқариб юбормаслиги аниқ. Ҳозирда айнан икки дарвозабондан бири клубга келиши кутилмоқда. Воқеалар ривожини кузатишда давом этамиз.
«Бавария» ёшармоқда
Мюнҳеннинг «Бавария» жамаоси клуб фахрийлари Роббен ва Риберидан сўнг Жером Боатенг билан ҳам ҳамкорликни тўхтатишга қарор қилди.
Клуб ҳимоячини траснферга қўйди. «Бавария» ҳимоячи учун 25 миллион евро талаб қилаётган бўлсада, футболчи учун даъвогарлар пайдо бўлса, уни арзонроққа ҳам қўюб юбориши мумкин.
Гап шундаки, янги мавсумда «Бавария» тўлиқ ёш футболчиларга суяниб ҳаракат қилишни олдига режа қилиб қўйган.
«Арсенал» Гендузини олиб қолмоқчи
Лондоннинг «Арсенал» жамоаси ярим ҳимоячиси Маттео Гендузининг ўйинларидан қониқиш ҳосил қилмоқда ва уни жамоада олиб қолиш мақсадида янги шартнома таклиф қилишни режа қилмоқда
«Readfootball» нашри тарқатган хабарларга кўра, «тўпчилар» Гендузига 5 йиллик шартнома таклиф қилади. Бундан ташқари «Арсенал» 20 ёшли футболчининг маошини ҳафтасига 70 минг еврога кўтаришмоқчи. Футболчи шу кунга қадар ҳафтасига 40 минг евро маош олаётган эди.
Икарди эртаги ўз якунига яқинлашмоқда
Миланнинг «Интер» жамоаси ҳужумчиси Мауро Икарди «Интер» сафини тарк этиши мумкин.
Гап шундаки, футболчи учун «Наполи» 65 миллион евро тўлашга рози бўлди ва «Интер» ҳам ўз ҳужумчисини «Наполи»га қўйиб юборишга қарши эмас. Эндиликда «Наполи» ва футболчи шахсий шартнома борасида келишиб олиса бўлгани эди. Афсуски, Икарди «Ювентус»га ўтишни истамоқда ва футболчи «Ювентус» билан шартнома борасида тўлиқ келишиб бўлган, бироқ «Интер» ўз рақибига Икардини беришни истамаяпти. Умуман олганда, анчагина чигал вазият юзага келмоқда. Воқеалар ривожини кузатишда давом этмиз.
