Ушбу рукндаги сонгги янгиликлар билан таништиришда давом этамиз.
«Бавария» давом этмоқда
“Мюнҳенинг «Бавария» жамоаси ўз сафини кучайтириш мақсадида навбатдаги трансферга қўл уради”-деб хабар тарқатмоқда «Readfootball» нашри.
Манба тарқатган хабарларга қараганда, Мюнҳен клуби «Эспаньол» жамоаси ярим ҳимоячиси Маркос Рока борасида испан клубига яна таклиф жўнатган. Аввалроқ «Бавария» футболчини қўлга киритиш мақсадида таклиф жўнатган эди. «Эспаньол» раҳбарлари ўз футболчисини 40 миллион евродан камига сотмаслигини эълон қилгач, тежамкор немис клуби Рокани қўлга киритиш фикридан қайтган эди. Эндиликда, «Бавария» жамоани тарк этиш арафасида турган Саншешнинг ўрнини тўлдириш мақсадида Маркос Рокани сотиб олишга қарор қилди.
22 ёшлик футболчи «Бавария» билан аллақачон шахсий шартнома борасида келишиб олган. Буёғига икки клуб музокарларни ижобий ҳал этса, бўлгани.
«Динамо» «Уотфурд» ҳужумчисини кўзламоқда
Москванинг «Динамо» жамоаси трансфер ойнаси ёпилишига қадар яна бир трансферни амалга оширишни режа қилмоқда.
Ҳозирги кунда Ангилиянинг «Уотфурд» клуби ҳужумчиси саналадиган Окака Чука «Динамо» трансфер нишонида турибди. Москваликлар футболчини сотиб олиш шарти билан бир мавсумга ижарага олишни режа қилмоқда. «Уотфурд» жамоаси бунга қарши эмас. Футболчининг трансфер суммаси ошкор қилинмаган бўлсада, Окаканинг агенти ҳозирда Москвада бўлиб турибди. Агарда икки клуб ўзаро келишувга эришса, тез орада РПЛда яна бир кучли ҳужумчи пайдо бўлади.
Кейлор Навас ПСЖ билан келишиб олди
«Реал Мадрид» жамоаси шарафини узоқ йиллардан бери қўриқлаб келган дарвозабон шу кунларда ПСЖ футболчисга бўлишга жуда яқин турибди.
Париж клуби Кейлорни ҳарид қилиш мақсадида «Реал Мадрид» томонидан талаб этилаётган 20 миллион еврони тўлашга тайёр эканлигни расман эълон қилди.
Навас «Реал Мадрид»нинг иккинчи дарвозабони бўлишни истамагани боис, клубдан кетишга қарор қилди ва ПСЖ томонидан «қироллик клуби»да олаётган маошида камроқ маош белгиланган шартнома борасида келшиб ҳам олишга муваффақ бўлди.
«Ювентус» трансфер ойнасини портлатмоқчи
Туринликлар ПСЖ жамоасига футболчи айрбошлашнинг бир нечта йўлларини таклиф этишни режа қилмоқда. Клуб биринчи навбатда Пауло Дибалани Париж клубига таклиф қилади ва унинг ўрнига Анҳел Ди Мариа, Вератти ёки Дракслерлардан бирини қўлга киритишни истамоқда.
Ҳозирда Сарри томонидан жамоага керак эмас деб топилган бир нечта футболчилар ПСЖ трансфер нишонида турганидан хабарингиз бор.
Бундан ташқари, Пяничнинг ПСЖга ўтиши борасида ҳам хабар бэриб ўтган эдик. Эндиликда «кекса сениора» ўз футболчиларини таклиф қилиш орқали, юқорида номи зикр қилинган футболчиларни қўлга киритишни истамоқда.
«Ювентус» Дибаладан ташқари , ПСЖга Сами Ҳедирани таклиф қилади.
Фалкаога Испаниядан таклифлар келиб тушмоқда
«Монако» жамоаси сардори Радамел Фалкао Туркиянинг «Галатасарай» жамоаси билан музокарлар олиб бораётган бир пайда унга Испаниядан таклифлар келиб тушмоқда.
Энг қизиғи шундаки, улар орасида футболчининг собиқ жамоаси «Атлетико Мадрид» ҳам мавжуд. бундан ташқари колумбиялк футболчининг ҳизматларига «Валенсия» ҳам қизиқиш билдирмоқда. «кўршапалаклар» Родрини қўлдан чиқариб юборгач, Радамелни ҳарид қилишни режалаштирмоқда. Фалкаонинг кейинги манзили қаер бўлиши савол остида қолмоқда. Воқеалар ривожини кузатишда давом этамиз.
Анчелотти Икарди трансфери ҳақида қандай фикрда?
«Наполи» жамоаси бош мураббийи Карло Анчелотти «Интер» ҳужумчиси Мауро Икардининг трансфери борасидаги саволларга жавоб қайтарди.
Мураббий журналистлар билан бўлган матбуот анжуманида шу масала бўйича ўз фикрлари билан ўртоқлашди.
“Тўғриси, менга Икарди борасидаги янгиликларнинг умуман қизиғИ йўқ. Бундай масалалар билан шуғулланиш учун клубда маҳсус ўқимишли инсонлар мавжуд.
Мен фақат ўз жамоам ва унинг ғалабалари ҳақида бош қотираман. Олдинда бизни «А серия»нинг илк турида «Фиорентина»га қарши ўта муҳим ва оғир кечиши кутилаётган баҳс кутиб турибди.
