Хабарингиз бор, бундан 2 ойча олдин Наманганнинг “Навбаҳор” жамоасида бош мураббий ўзгариб, россиялик мутахассис Андрей Канчельскис ўрнига сербиялик мураббий Деян Журжевич тайинланган эди.

Афсуски, Журжевичнинг қўл остида “лочинлар”нинг натижалари салбий кўриниш олди. Жумладан, Сoca Cola Суперлига баҳсларида “Навбаҳор” ўз майдонида “Қизилқум” (0:1), АГМК (0:1), сафарда эса “Металлург”(0:1) клубларига имкониятни бой бериб, шунингдек, сафарда “Бухоро” (0:0) билан дуранг ҳисобини қайд этиб, фақатгина “Андижон” (1:0) устидан ғалаба қозонди.

Бунинг натижасида “Навбаҳор” турнир жадвалида 3-ўриндан 6-ўринга тушиб кетди.  

Шунингдек, Ўзбекистон кубогининг чорак финалидан ўрин олган баҳсда “Навбаҳор” ўз майдонида “Насаф”дан 0:1 ҳисобида мағлубиятга учраб, кубок ўйинларидан ҳам чиқиб кетди.

Албатта, ушбу натижалар клуб раҳбариятини қониқтирмасди. Шу боис, бугун Деян Журжевич билан тузилган шартнома бекор қилиниб, у истеъфога чиқарилди.

“Навбаҳор” ПФК матбуот хизмати.