Xabaringiz bor, bundan 2 oycha oldin Namanganning “Navbahor” jamoasida bosh murabbiy o‘zgarib, rossiyalik mutaxassis Andrey Kanchelskis o‘rniga serbiyalik murabbiy Deyan Jurjevich tayinlangan edi.

Afsuski, Jurjevichning qo‘l ostida “lochinlar”ning natijalari salbiy ko‘rinish oldi. Jumladan, Soca Cola Superliga bahslarida “Navbahor” o‘z maydonida “Qizilqum” (0:1), AGMK (0:1), safarda esa “Metallurg”(0:1) klublariga imkoniyatni boy berib, shuningdek, safarda “Buxoro” (0:0) bilan durang hisobini qayd etib, faqatgina “Andijon” (1:0) ustidan g‘alaba qozondi.

Buning natijasida “Navbahor” turnir jadvalida 3-o‘rindan 6-o‘ringa tushib ketdi.  

Shuningdek, O‘zbekiston kubogining chorak finalidan o‘rin olgan bahsda “Navbahor” o‘z maydonida “Nasaf”dan 0:1 hisobida mag‘lubiyatga uchrab, kubok o‘yinlaridan ham chiqib ketdi.

Albatta, ushbu natijalar klub rahbariyatini qoniqtirmasdi. Shu bois, bugun Deyan Jurjevich bilan tuzilgan shartnoma bekor qilinib, u iste’foga chiqarildi.

“Navbahor” PFK matbuot xizmati.