"Барселона" бош мураббийи Эрнесто Вальверде Испания Ла лигасининг 3-тури доирасида бўладиган "Осасуна"га қарши ўйин учун кенгайтирилган таркибни эълон қилди.

Жамоа сардори Лионель Месси бу сафар ҳам қайдномага киритилмади. Шунингдек, жароҳатни даволашда давом этаётган Луис Суарес ва Усмон Дембеле ҳам навбатдаги ўйинда иштирок этишмайди.

Аввалги турда дебют қилган Ансуман Фати бир ҳафта давомида асосий таркиб билан машғулотларда иштирок этди ва яна кенгайтирилган рўйхатдан ўрин олди.

"Барселона"нинг "Осасуна"га қарши кенгайтирилган таркиби:

Дарвозабонлар: Марк-Андре тер Штеген, Иньяки Пенья;

Ҳимоячилар: Нелсон Семеду, Жерар Пике, Клеман Лангле, Мусса Ваге, Хорди Альба, Сержи Роберто, Самуэль Умтити;

Ярим ҳимоячилар: Иван Ракитич, Серхио Бускетс, Артур, Рафинья, Френки де Йонг, Артуро Видаль;

Ҳужумчилар: Антуан Гризманн, Карлес Перес, Ансуман Фати.

Эслатиб ўтамиз, "Осасуна" - "Барселона" ўйини эртага — 31 август куни Тошкент вақти билан 20:00да бошланади.