Мадриднинг “Реал” клуби дарвозабони Кейлор Навас жамоасини ўзгартиради.
Маълумотларга қараганда, Навас иккинчи даражали дарвозабон бўлмоқчи эмас, шунинг учун ў ўзини қўйиб юборишларини сўради. Дарвозабоннинг хизматига ПСЖ клуби қизиқиб қолган ва уни асосий дарвозабон қилишга тайёр. ПСЖ костарикалик дарвозабон учун 15 миллион евро ва ижарага дарвозабон Альфонсо Ареоляни қўшиб бермоқчи.
ПСЖ Наваснинг трансферини бугун эълон қилади. Ареоля эса мадридликлар сафига 11 сентябрдан кейин бориб қўшилади.
Маълумот учун, дарвозабон кечаги ўйиндан кейин Мадридга қайтмади ва кийиниш хонасида жамоадошлари билан хайралашди. Яқин соатлар ичида парижликлар футболчининг трансферини эълон қилади.