"La Gazzetta dello Sport" нашри А серия клублари мураббийлари маоши рейтингини эълон қилди.
«Интер» бош мураббийи Антонио Контенинг бир йиллик маоши 11 миллион еврога тенг. Иккинчи поғонани Маурицио Сарри («Ювентус») эгаллади – 5,5 млн евро. «Наполи» бош мураббийи Карло Анчелотти эса учинчи ўринда қайд этилди — 5 млн евро.
Шунингдек, кучли бешликка Синиша Михайлович («Болонья») ва Паулу Фонсека («Рома») киритилди. Улар йилига 3 миллион евро маош олишмоқда.
Таъкидлаш жоизки, «Интер» Лучано Спаллеттига 4,5 млн евро, «Ювентус» эса Массимилиано Аллегрига 7,5 млн евро маош тўлашда давом этмоқда.
