Испания чемпионатининг 4-тури доирасида «Реал» ўз уйида «Леванте»ни қабул қилиб, ғалаба қозонишга муваффақ бўлди.
Мадридликлар биринчи бўлимда катта устунликка эга бўлиб, рақиб дарвозасига 3та тўп йўллашди. Карим Бензема дублга эришган бўлса, Каземиро ўз ҳисобига битта гол ёзди.
Иккинчи бўлимда ҳам ташаббус Зидан шогирдлари томонида бўлди, аммо "Леванте" футболчилари кам сонли ҳужумлардан иккитасини голга айлантиришди. Шу боис, баҳснинг сўнгги дақиқалари "Қироллик клуби" учун асабий ўтди. Шунга қарамай, "Реал" ғалабани сақлаб қолиб, ўз очколарини 8тага етказиб олди.
Реал Мадрид – Леванте 3:2 (3:0, 0:2)
Голлар: 1:0 – 25 Бензема, 2:0 – 31 Бензема, 3:0 – 40 Каземиро, 3:1 – 49 Майораль, 3:2 – 75 Мелеро.
Реал Мадрид – Куртуа, Варан, Марсело, Карвахаль, Рамос (Милитао, 60), Васкес, Каземиро (Азар, 60), Кроос, Хамес, Винисиус Жуниор, Бензема (Йович, 83).
Леванте – Фернандес, Дуарте (Мелеро, 68), Везу, Клерк, Мирамон, Рочина (Рохер Марти, 68), Кампанья, Вукчевич (Барди, 56), Постиго, Майораль, Моралес.
Огоҳлантиришлар: Каземиро (28), Васкес (40), Везу (80), Клерк (90).