Англия чемпионатининг 5-тури доирасида "Арсенал" сафарда "Уотфорд" клуби меҳмони бўлди.
"Канонирлар" биринчи бўлимда иккита гол уришга муваффақ бўлди. Баҳснинг 22 ва 32-дақиқаларида Пьер-Эмерик Обамеянг рақиб дарвозасини ишғол қилди.
Иккинчи бўлимда эса мезбонлар фаол ўйин намойиш қила бошлаб, ҳисобни биттага қисқартиришди. "Уотфорд"нинг уринишлари ўйин сўнгида яна бир марта самара келтирди. Давид Луис ўз жарима майдончаси ичида рақиб футболчисини чалиб йиқитди. Перейра пенальтидан унумли фойдаланиб, ҳисобни тенглаштирди.
Шу тариқа, "Арсенал" кетма-кет учинчи ўйинда ғалаба қозона олмаяпти. Эмери шогирдлари 8 очко билан жадвалда 7-ўринни банд этишган.
Англия премьер-лигаси, 5-тур
Уотфорд – Арсенал 2:2 (0:2, 2:0)
Голлар: 0:1 – 21 Обамеянг, 0:2 – 32 Обамеянг, 1:2 – 53 Клеверли, 2:2 – 81, пенальти Перейра.
Уотфорд – Фостер, Фемения, Доусон, Кабаселе, Холебас (Янмат, 78), Дукуре, Капу, Хьюз (Перейра, 63), Клеверли, Деулофеу, Грэй (Сарр, 54).
Арсенал – Лено, Мэйтленд-Найлз, Папастатопулос, Давид Луиз, Колашинац, Джака, Гендузи (Торрейра, 67), Себальос (Уиллок, 60), Озил (Нелсон, 71), Пепе, Обамеянг.
Огоҳлантиришлар: Колашинац (43), Холебас (45), Гендузи (45), Фемения (56), Лено (76), Капу (90).