Кириш Регистрация
26/05 21:30 Боруссия Д - Бавария
26/05 23:30 Айнтрахт Франкфурт - Фрайбург
26/05 23:30 Байер - Вольфсбург
26/05 23:30 Вердер - Боруссия М
27/05 21:30 Лейпциг - Герта
27/05 23:30 Аугсбург - Падерборн
27/05 23:30 Унион Берлин - Майнц-05
27/05 23:30 Фортуна - Шальке-04
27/05 23:30 Ҳоффенҳайм - Кёльн

Хабарлар

«Абрамовнинг тугалламаган «диплом иши»ни муваффақият билан ҳимоя қилишига тилакдошман»

Баҳо:
+1 | -

Чет эллик мураббий бир неча миллион долларлик компенсация пулини олиб, футбол уюшмасининг шундоқ ҳам тешик ғазнасини бўшатиб кетганидан кейин унинг ўрнида ким ишлаши мумкин? Албатта, Вадим Абрамов.

У 2003 йили банкротлик ёқасида турган, бир тийин пули йўқ, Олий Лигадан тушиб кетиши эн аниқ бўлиб турган “Трактор”ни иккинчи даврада қабул қилиб олиб, Иккинчи Лигадан чиққан тўртинчи сорт футболчилар билан чемпионатда олиб қолган эди. Кейин нима бўлганини эсингиздами? Бир тийин пули йўқ шу “Трактор” 2004 йили 5-ўринни, 2005 йили 4-ўринни эгаллаган, Кубок финалининг иккинчи таймида “Пахтакор”дан совринни илиб кетишига бир баҳя қолган.

У 2019 йили аввалги раҳбарияти томонидан бор буди талон-торож қилиб бўлинган, бир тийин пули йўқ “Бунёдкор”ни қабул қилиб олиб, ёш болалар билан Суперлигада учинчи бўлди. Чемпионатнинг биринчи даврасида-ку неча бор ҳайрон қолдирди кутилмаган натижалари билан. “Йўқ бўлиб кетади, тарқалиб кетади, фақат ютқазади энди” дейилган коллективни туппа-тузук, футбол ўйнашни биладиган жамоага айлантира олди. Хуллас, Вадим Абрамов шунақа.

Вадим Абрамовнинг битта камчилиги бор (агар буни камчилик дейиш мумкин бўлса) — у бир томондан омадли (“Трактор”, “Бунёдкор” билан қилган ишлари ҳақида ўқинг яна бир бор), бошқа томондан ғирт омадсиз; оғзи энди ошга етганида нуқул ер тишлаб қолади — ўша “Трактор” билан бўлган тарих бунга далил, Австралияга қарши 0:6 ҳисоби билан тугаган ярим финал, БААга қарши Олимпиада йўлланмаси бой берилган драма...

Нима бўлганида ҳам, Вадим Карленичга омад — 2012 йилда тугатишга улгурмаган “диплом иши”ни энди зўр муваффақият билан ҳимоя қилиб олишига тилакдошман!

Муҳрим Аъзамхўжаев

Манба: https://t.me/muhrim
Киритилди: 18:05, 23.09.2019.
Ўқилди: 4698 марта.
Фикрлар: 14 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.