Дам олиш кунларида Эроннинг Урмия шаҳрида каратэ WKF бўйича ёшлар ўртасида “URMIA OPEN” халқаро турнири бўлиб ўтди. Ушбу мусобақада мамлакатимиз спортчилари ҳам ўз омадларини синаб кўришди.
Қувонарлиси, халқаро турнирда ҳамюртларимиздан уч нафари совриндорлар сафидан жой олишди. Жумладан, 16-17 ёшли спортчилар ўртасидаги баҳсларда -55 кг вазн тоифасида татамига чиққан Улуғбек Алибоев финалгача етиб борди ва якунда кумуш медаль билан тақдирланди.
Худди шу ёшдаги спортчилар ўртасида -68 кг вазн тоифасида ватанимиз шарафини ҳимоя қилган Шоҳруҳ Турсунмахамматов ҳам 2-ўринга муносиб кўрилди. Унинг тенгдоши, -76 кг вазн тоифасидаги баҳсларда иштирок этган Қувонч Муҳаммадиев эса 3-ўринга сазовор бўлди.
Жисмоний тарбия ва спорт вазирлиги
Матбуот хизмати