“Бенфика” “Ювентус” дарвозабони Маттиа Перин билан шартнома имзолаш фикридан қайтди. Бу ҳақида Football Italia нашри хабар берди.

Португалия клуби дарвозабонни ёзги трансфер ойнасида ўз сафига қўшиб олмоқчи бўлганди, бироқ Перин тиббий кўрикдан муваффақиятсиз ўтди. Шунинг учун “бургутлар” бошқа бу трансфер масаласига қайтмоқчи эмас. Периннинг “кекса синьоралар” билан амалдаги шартномаси 2022 йилгача мўлжалланган.

Маълумот учун, дарвозабон жорий мавсум бирорта ўйинда майдонга тушмади. У жароҳатидан тикланишда давом этади.