Италия чемпионатининг ўтган мавсумида 4-ўринни эгаллаб, Европа чемпионлар лигаси йўлланмасини қўлга киритган «Аталанта» клуби, нуфузли мусобақада муваффақиятли иштирок эта олмаяпти.

Ўтган турда Загребнинг "Динамо"сига 0:4 ҳисобида ютқазган бергамоликлар, бугун Миландаги "Сан-Сиро" стадионида "Шахтёр"га ютқазиб қўйди.

Баҳснинг 16-дақиқасида Иличич пенальтидан гол ура олмади: зарбани Пятов қайтарди. 28-дақиқага келиб, мезбонлар барибир ҳисобни очишди. Дуван Сапата гол муаллифига айланди.

Биринчи бўлим тугашига 4 дақиқа қолганида эса Мораес мувозанатни тиклади.

Иккинчи таймда хавфли вазиятлар у қадар кўп бўлмади. "Аталанта" иккита хавфли вазиятни голга айлантира олмади. Ўйинга қўшиб берилган 5 дақиқада эса "Шахтёр" қарши ҳужум ташкил қилиб, ғалабани илиб кетишга муваффақ бўлди.

Донецклар дастлабки 3 очкони ўз ҳисобларига ёзиб қўйишди. "Аталанта" эса гуруҳ аутсайдери бўлиб қолмоқда.

Европа чемпионлар лигаси, "С" гуруҳи, 2-тур
Аталанта Италия – Шахтёр Украина 1:2 (1:1, 0:1)
Голлар: 1:0 – 28 Сапата, 1:1 – 41 Мораес, 1:2 – 90 Соломон.
Аталанта – Голлини, Хатебур (Госенс, 57), Масьелло (Муриэль, 68), Толои, Кастань, Гомес, Пашалич, Иличич (Малиновский, 57), де Рон, Паломино, Сапата.
Шахтёр – Пятов, Матвиенко, Исмаили, Кривцов, Болбат (Додо, 90), Алан Патрик (Соломон, 69), Степаненко, Тайсон, Коваленко, Марлос (Коноплянка, 86), Мораес.
Огоҳлантиришлар: Кривцов (15), Степаненко (35), Иличич (44), Мораес (45), де Рон (49), Болбат (64), Толои (80), Малиновский (90).