2 октябрь куни "Coca Cola" Суперлигасининг 21-тур доирасида Термизнинг "Сурхон" жамоасига мезбонлик қилган Александр Хомяков бошчилигидаги "Андижон" рақиб устидан 2:1 ҳисобида ғалаба қозонганлигидан хабарингиз бор, албатта.

Ўша учрашув якунига етганидан кейин Александр Андреевич чемпионатимизда юзага келган қисқа муддатли танаффусдан унумли фойдаланган ҳолда ўз шогирдларига маълум муддат ҳордиқ чиқаришларига рухсат берди.

Бугун, яъни 8 октябрь куни "Андижон" жамоаси Тошкент шаҳрида жамланади. Жамоамиз аъзолари пойтахтимиздаги йиғин давомида битта ўртоқлик учрашувда майдонга тушиб, Андижон шаҳрига қайтадилар ва 11 октябрьдан йиғинлар Андижон шаҳрига кўчади.

Эслатиб ўтамиз, "Андижон" 22-турни Қаршида маҳаллий "Насаф" жамоасига қарши 19 октябрь куни ўтказади.