2 oktyabr kuni "Coca Cola" Superligasining 21-tur doirasida Termizning "Surxon" jamoasiga mezbonlik qilgan Aleksandr Xomyakov boshchiligidagi "Andijon" raqib ustidan 2:1 hisobida g‘alaba qozonganligidan xabaringiz bor, albatta.
O‘sha uchrashuv yakuniga yetganidan keyin Aleksandr Andreevich chempionatimizda yuzaga kelgan qisqa muddatli tanaffusdan unumli foydalangan holda o‘z shogirdlariga ma’lum muddat hordiq chiqarishlariga ruxsat berdi.
Bugun, ya’ni 8 oktyabr kuni "Andijon" jamoasi Toshkent shahrida jamlanadi. Jamoamiz a’zolari poytaxtimizdagi yig‘in davomida bitta o‘rtoqlik uchrashuvda maydonga tushib, Andijon shahriga qaytadilar va 11 oktyabrdan yig‘inlar Andijon shahriga ko‘chadi.
Eslatib o‘tamiz, "Andijon" 22-turni Qarshida mahalliy "Nasaf" jamoasiga qarshi 19 oktyabr kuni o‘tkazadi.
