Буюк Британиянинг Европа Иттифоқидан чиқиши туфайли баъзи футболчи ва спортчиларда Бирлашган Қиролликка киришда муаммолар туғилиши мумкин.
Гап, масалан, Испанияда солиқ тўлашдан бош тортгани учун шартли қамоқ муддати олган футболчилар - Криштиану Роналду, Лионель Месси, Диего Коста ва бошқа спортчилар ҳақида кетмоқда.
"Агар сиз Евроиттифоқ фуқароси бўлсангиз ва сизга ҳукм ўқилган ёки муддат берилган бўлса, агар у тўхтатилган бўлса ҳам Буюк Британияга кириш тақиқланади", - дейди миграция масалалри бўйича юрист Энди Осборн.
Бу, юқорида номлари келтирилган футболчилар еврокубокларнинг Англия, Шотландия, Уэльс ва Шимолий Ирландияда ўтадиган сафар учрашувларида қатнаша олмайди дегани.
Эслатиб ўтамиз, Буюк Британия Евроиттифоқдан чиқиш ҳақида музокара олиб бормоқда. Агар Брексит 31 октябрь куни ҳеч қандай келишувларсиз амалга ошадиган бўлса, бу мамлакатларга кириш учун қатъий талаблар қўйилади.
